Şagirdlərin yaradıcılıq sərgisi
Mayın 10 - da ümummilli lider Heydər Əliyevin anadan olmasının 96 - cı ildönümü münasibəti ilə Bakı Şəhəri üzrə Təhsil İdarəsinin təşkilatçılığı ilə keçirilən istedadlı uşaqların əl işlərindən ibarət sərgidə məktəbin şagirdlərinin hazırladığı sərgi təqdim olundu. Tədbirin keçirilməsində əsas məqsədi yaradıcılığın müxtəlif sahələrində xüsusi istedada malik uşaqları üzə çıxarmaq, onlarda Vətənə məhəbbət, dostluq, milli-mənəvi və ümumbəşəri dəyərlərə hörmət hisslərini aşılamaq, bədii-estetik zövqü, həmçinin, yaradıcı düşüncəni inkişaf etdirməkdən ibarətdir. Sərgidə Bakı Şəhəri üzrə Təhsil İdarəsinin müdiri Rəşad Tağıyev və müdir müavini iştirak etdilər. Onlar sərgi ilə yaxından tanış oldular və şagirdlərə öz tövsiyələrini verdilər.
