Müstəqil Azərbaycan dövlətinin banisi
Azərbaycan xalqının böyük oğlu, müstəqil Azərbaycan dövlətinin qurucusu, Azərbaycan siyasi sisteminin yaradıcısı, azərbaycançılıq ideologiyasının banisi Ulu öndər Heydər Əliyevin anadan olmasının 96 – cı ildönümü ilə əlaqədar məktəbdə bir sıra tədbirlər və sərgilər keçirilmişdir.
Ümummilli lider Heydər Əliyevin doğum günü münasibəti ilə məktəbin V – VIII sinif şagirdlərinin iştirakı ilə divar qəzetləri hazırlanmışdır. Divar qəzetlərində Heydər Əliyevin həyatı, dahi şəxsiyyətin geniş dünyagörüşü, uzaqgörən siyasəti haqqında dəyərli fikirlər və ulu öndərin təhsil və elm haqqında söylədiyi qiymətli kəlamlar öz əksini tapmışdır.
Bundan başqa məktəbin konfrans zalında ədəbiyyat fənn müəllimi Ofelya Mirzəmmədovanın təşkilatçılığı ilə riyaziyyat – informatika təmayüllü 7“D” sinfində ümummilli lider Heydər Əliyevin anadan olmasının 96 – cı ildönümü münasibətilə tədbir keçirildi. Tədbirdə rəhbərlik, tarix və ədəbiyyat fənn müəllimləri iştirak etdilər. Tədbir şagirdlərin ifasında Azərbaycan Respublikasının Dövlət Himninin səsləndirilməsi ilə başladı. Ardınca tədbir aparıcıları dahi şəxsiyyətin həyatı və Azərbaycan xalqı üçün gördüyü işlərin bir qismi haqqında bildiklərini dinləyicilərin nəzərinə çatdırdılar. Sonra şagirdlərin ifasında vətənpərvərlik mövzusunda şeirlər və musiqilər səsləndirildi.
