Azərbaycan tarixinin şanlı səhifəsi
Azərbaycan tarixinin şanlı səhifəsi olan Aprel döyüşlərinin III ildönümü ilə əlaqədar olaraq məktəbdə tədbirlərin keçirilməsi davam edir.
Bu döyüşlər zamanı məktəbin 2015-ci il məzunu Natiq Namiq oğlu Tahirli Azərbaycan - Ermənistan təmas xəttində ermənilərin atəşkəs rejimini pozması nəticəsində şəhid olmuşdur. Natiq Tahirli ölümündən sonra göstərdiyi qəhrəmanlığa görə Azərbaycan Respublikası Müdafiə Naziri general-polkovnik Zakir Həsənovun sərəncamı ilə "Hərbi xidmətdə fərqlənməyə görə" III dərəcəli medalı ilə təltif edilmişdir. Natiqin əziz xatirəsi təkcə bu gün yox hər gün şagirdlər və məktəb kollektivi tərəfindən dərin ehtiram və hörmətlə yad edilir. Tahirli Natiqin əziz xatirəsini yad etmək məqsədilə yaradılmış guşə daim ziyarət olunur.
