8 mart Beynəlxalq Qadınlar Günü
8 Mart Beynəlxalq Qadınlar Günü münasibəti ilə məktəbin rus dili metodbirləşmə sədri Sevda Seyidovanın rəhbərliyi ilə Akt zalında bayram şənliyi keçirildi. Tədbirdə məktəbin direktoru Rahim Novruzov, təlim – tərbiyə işləri üzrə direktor müavini, tərbiyə işləri üzrə direktor müavini, rus dili müəllimləri, valideynlər və şagirdlər iştirak etdilər. Bayram şənliyi şagirdlərin ifasında Azərbaycan Respublikasının Dövlət Himninin səsləndirilməsi ilə başladı. Tədbirdə I, III və V sinif şagirdlərinin rus dilində hazırladıqları səhnəciklər, şeirlər, musiqilər və rəqslər ifa edildi. Tədbirin aparıcıları 8 Mart Beynəlxalq Qadınlar Gününün tarixi barədə qonaqlara geniş məlumat verdilər. Ardınca şagirdlərin ifasında gözəl musiqilər səsləndirildi. Şagirdlər təqdim etdikləri bir – birindən gözəl səhnəciklərlə müəllimlərini, ana və bacılarını təbrik etdilər. Tədbir qonaqlara əsl bayram abu – havası yaşatdı.
Sonda məktəbin direktoru Rahim müəllim tədbiri hazırlanmasında əziyyəti keçən hər kəsə öz dərin təşəkkürünü bildirdi. O, qarşıdan gələn Beynəlxalq Qadınlar Günü münasibəti ilə məktəbin qadın kollektivini və onların timsalında bütün qadınları təbrik etdi.
