"Azərbaycanlı milyonçu, böyük xeyriyyəçi Hacı Zeynalabdin Tağıyevin həyatı və fəaliyyəti" mövzusunda Açıq dərs keçirildi
19.02.2019 - cu il tarixdə məktəbin "3 e" sinfində Zenfira Mehdiyevanın rəhbərliyi ilə "Azərbaycanlı milyonçu, böyük xeyriyyəçi Hacı Zeynalabdin Tağıyevin həyatı və fəaliyyəti" mövzusunda Açıq dərs keçirildi. Açıq dərsdə məktəbin direktoru Rahim Novruzov, ibtidai siniflər üzrə təlim - tərbiyə işləri üzrə direktor müavini Şəfiqə Əlizadə, ibtidai siniflər üzrə metodbirləşmə sədri Mehriban Hüseynova və ibtidai sinif müəllimləri iştirak etdilər.
Açıq dərsdə "Xeyriyyəçilik", "Toxuculuq", "Balıqçılıq" və "Neft" komandaları ilə iştirak edən şagirdlər Hacı Zeynalabdin Tağıyevin Azərbaycan xalqı üçün gördüyü xeyriyyə işləri barədə təqdimatlarla cıxış etdilər. Tağıyevin toxuculuq, balıqçılıq və neft sənayesində göstərdiyi xidmətlərdən bəhs etdilər.
Bakıda ilk qızlar məktəbinin tikilməsi, qızların təhsilə cəlb edilməsi, qəzet və jurnalların çapı ilə əlaqədar bir sıra cəmiyyətlərin yaradılması hər biri Hacı Zeynalabdin Tağıyevin adı ilə bağlıdır. Bununla yanaşı Tağıyev həm də Bakı-Şollar su kəmərinin tikintisi üçün öz şəxsi vəsaitindən pul ayırıb.
Dərsin sonunda müəllim şagirdlərin bilik səviyyəsini yoxlamaq məqsədilə onlara suallar ünvanladı, uşaqlar sualların cavablandırılmasında çox fəal iştirak etdilər.
