"Milli mətbuatımızın banisi" mövzusunda dərs keçirildi
11 fevral 2019 - cu il tarixdə "5 ç" sinifində məktəbin tarix fənn müəllimi Aynur Rəhimova tərəfindən Azərbaycan tarixi dərsində "Milli mətbuatımızın banisi" mövzusunda çox maraqlı dərs baş tutdu. Müəllim şagirdlərə Azərbaycan Respublikası Prezidentinin sərəncamı ilə "Əkinçi" qəzetinin nəşrə başladığı gün - 22 iyul Milli Mətbuat və Jurnalistika Günü kimi qeyd olunması, Həsən bəy Zərdabinin həyatı və xeyriyyəçi kimi gördüyü işlər barədə geniş məlumat verdi.
Şagirdlər bu mövzuda hazırladıqları təqdimatları yoldaşları ilə bölüşdülər. Mövzu haqqında fikirlərini rəngli kağızlara yazaraq lövhəyə yapışdırdılar. Sonda müəllim tərəfindən şagirdlərə mövzunu nə dərəcədə mənimsəməsini öyrənmək məqsədilə suallar ünvanlandı. Şagirdlər sualların cavablandırılmasında fərdi və qrup şəkilində çox fəal iştirak etdilər.
