Respublika fənn olimpiadalarının şəhər mərhələsi keçirilib
Fevralın 3-də paytaxt üzrə məktəblilərin Respublika fənn olimpiadalarının şəhər mərhələsi keçirilib.
Olimpiadaların təşkil edilməsində əsas məqsəd istedadlı uşaqların aşkar edilməsi, məktəblilərin beynəlxalq olimpiadalarda uğurlu çıxışlarının təmin edilməsi, şagirdlərdə fənlərə olan marağın artırılmasından ibarətdir. Bilik yarışında IX, X və XI, həmçinin xüsusi istedada və hazırlığa malik VIII sinif şagirdləri iştirak edib.
Respublika fənn olimpiadalarının şəhər mərhələsində Azərbaycan dili və ədəbiyyatı, riyaziyyat, fizika, kimya, biologiya, informatika, coğrafiya və tarix fənləri üzrə sualların cavablandırılması üçün şagirdlərə 3 saat vaxt ayrılıb.
Məktəbin 54 şagirdi Respublika fənn olimpiadasının şəhər turunda iştirak edib. Şagirdlərə növbəti turda uğurlar arzu edirik.
