Azərbaycan tarixi fənnindən "Bilik yarışı"
Məktəbin tarix fənn metodbirləşməsinin sədri Şövqiyyə Əliyevanın təşkilatçılığı ilə IX siniflər arasında Azərbaycan tarixi fənnindən "Bilik yarışı" keçirildi. Bilik yarışında şagirdlərin biliyinin qiymətləndərilməsi məqsədi ilə təşkil olunmuş münsiflər heyətinin tərkibində məktəbin direktoru Rahim Novruzov və tarix müəllimləri iştirak etdilər. Yarışda 4 komanda öz biliyini nümayiş etdirdi. 2 saat davam edən bilik yarışında hər bir komanda fəallıq göstərdi. Yarışın sonunda digər komandalardan üstün olan "Qafqaz" komandası I yerə layiq görüldü. Şagirdləri və sinif rəhbərlərini bu uğur münasibəti ilə təbrik edirik. Əziz şagirdlər uğurlarınız bol olsun.
