Olimpiada qaliblərinin mükafatlandırılma mərasimi
Bakı Şəhəri üzrə Təhsil İdarəsinin (BŞTİ) təşkilatçılığı ilə Lütfi Zadə adına Məktəblilərarası III Məntiq Olimpiadası qaliblərinin mükafatlandırılma mərasimi və 31 dekabr-Dünya Azərbaycanlılarının Həmrəylik Gününə həsr olunmuş konsert proqramı keçirilib.
Tədbirdə Təhsil nazirinin müavini Məhəbbət Vəliyeva, Təhsil Nazirliyinin Aparat rəhbərinin müavini Fərzəli Qədirov, Məktəbəqədər və ümumi təhsil şöbəsinin müdiri Aydın Əhmədov, Bakı Şəhəri üzrə Təhsil İdarəsinin müdiri Rəşad Tağıyev, BŞTİ-nin müvafiq struktur bölmə rəhbərləri, məktəb direktorları, müəllimlər, şagirdlər, valideynlər və KİV nümayədələri iştirak ediblər.
Tədbir Dövlət himninin səsləndirilməsi ilə başlayıb. Sonra olimpiadada yüksək nəticələr əldə etmiş şagirdlərə medal, diplom və qiymətli hədiyyələr təqdim olunub.
Qızıl medal alan şagirdlər arasında məktəbin şagirdinin də olması qürurvericidir. Bu münasibət ilə Mehdiyev Yusifi, onun valideynlərini və müəllimlərini təbrik edirik. İnanırıq ki, balaca Yusifin uğurları daimi olacaqdır..
