31 dekabr - Dünya Azərbaycanlılarının Həmrəylik Günü və Yeni il münasibətilə bayram tədbiri
31 dekabr Dünya Azərbaycanlılarının Həmrəyliyi Günü və Yeni il münasibətilə "2b" və "2ç" siniflərində bayram tədbiri keçirildi. Tədbirdə məktəbin direktoru, təlim - tərbiyə işləri üzrə direktor müavinləri, uşaq birliyi rəhbəri və valideynlər iştirak etdilər. Tədbiri giriş sözü ilə açan məktəbin direktoru Rahim Novruzov şagirdləri və tədbir iştirakçılarını 31 dekabr - Dünya Azərbaycanlılarının Həmrəylik Günü və Yeni il münasibətilə təbrik edib, onlara gələcək fəaliyyətlərində uğurlar arzulayıb.
Tədbirdə ilk öncə şagirdlərə Həmrəylik gününün tarixi barədə geniş məlumat verilib. Yeni ilin gəlməsi ilə əlaqədar olaraq tədbirdə bayramın əsas personajları olan Şaxta baba və Qar qızda iştirak etdilər. Şaxta babanın gəlməsi şagirdlərin sevincini daha da artırdı. Tədbir şagirdlərin hazırladıqları rəngarəng səhnəciklərlə, yeni ilə aid mahnılar, şeirlər, oyun və viktorinalarla davam edib.
Hər birinizi qarşıdan gələn Yeni il və 31 dekabr - Dünya Azərbaycanlılarının Həmrəylik Günü münasibətilə təbrik edirik.
