Məktəbəhazırlıq qruplarında dərslər davam edir
Məktəbəhazırlıq qrupları 5 yaşlı uşaqların məktəb təliminə hazırlığı ilə əlaqədar olaraq onların təhsil mühitinə uyğunlaşması, ünsiyyət və birgə fəaliyyət bacarıqlarına yiyələnməsini təmin etmək məqsədilə fəaliyyət göstərir.
Məktəbəhazırlıq təhsili ibtidai təhsilə keçidi asanlaşdırır və uşağın ibtidai təhsilə adaptasiya olunmasına müsbət təsir edir. Bununla yanaşı uşaqların zehni inkişafına da müsbət təsir göstərir. Bu qruplarda təhsil alan uşaqlar digərləri ilə müqayisədə gələcək təhsillərində daha yüksək nəticələr əldə edirlər. Məktəbəhazırlıq təhsili uşaqların əqli, fiziki və nitq qabiliyyətini, eləcə də oyun və digər bacarıqlarını inkişaf etdirir.
Məktəbimizdə 5 məktəbəhazırlıq qrupu fəaliyyət göstərir. Şagirdlərin təlim - tərbiyəsi ilə peşəkar müəllimlər məşgul olurlar.
