“Bir kərə yüksələn bayraq bir daha enməz!” təşkilat saatı
Azərbaycan Respublikasının Dövlət bayrağı Azərbaycan dövlətinin suverenliyinin rəmzidir. Azərbaycan Respublikası Prezidentinin 17 noyabr 2009-cu il tarixli Sərəncamı ilə təsis edilən Dövlət Bayrağı Günü ilə əlaqədar 12 nömrəli tam orta məktəbdə bayram tədbirləri, təşkilat saatları, rəsm və şeir müsabiqələri keçirilmişdir.
Noyabrın 8 -də məktəbdə "9 Noyabr - Dövlət Bayrağı Günü" münasibətilə "1 a", "2 b" və "10 a" siniflərində “Bir kərə yüksələn bayraq bir daha enməz!” adlı təşkilat saatı keçirildi.
Təşkilat saatı Azərbaycan Respublikasının Dövlət himninin səsləndirilməsi ilə başlayıb. Daha sonra şagirdlər bayrağımızın yaranma tarixi, ulu öndər Heydər Əliyevin Dövlət bayrağı haqqındakı fikirləri barədə geniş məlumat verdilər. Bu gün münasibətilə hazırladıqları bayraq və vətənpərvərlik mövzusunda şeir və musiqi nömrələrini təqdim etdilər.
