"Dəyirmi masa"
2018-2019-cu tədris ilinin başlaması ilə əlaqədar məktəbin konfrans zalında siniflər üzrə valideyn komitələri ilə məktəb rəhbərliyinin görüşü keçirildi. Dəyirmi masada direktor müavinləri, sinif rəhbərləri, valideynlər və məktəblinin dostları iştirak etdilər. Məktəbin valideyn komitəsinin sədri 2017-2018-ci dərs ilində məktəbin əldə etdiyi uğurlar münasibəti ilə kollektivi təbrik etdi. Valideynlərin istəklərini rəhbərliyə çatdırdı. Məktəbin direktoru valideynlərin fikirlərinə münasibət bildirərək cari məsələlər barəsində danışdı. Görüşdə valideyn komitələrinə məktəbdə neqativ hallara yol verməmələri üçün ciddi tapşırıqlar verildi. Rəhbərlik tərəfindən təklif edildi ki, valideynlərlə təhsil qanunvericiliyi ilə əlaqədar maarifləndirici görüşlər keçirilsin. Təklif valideynlər tərəfindən müsbət qarşılandı.
