Narkomaniya bəşəriyyətin bəlasıdır
Müasir dünyada cəmiyyəti narahat edən problemlərdən ən mürəkkəbi, faciəvi nəticələrə gətirib çıxaranı narkomaniyadır. Ölkəmizdə minlərlə insan bu bəladan əziyyət çəkir. Narkotik vasitələrə aludəçilik cinayətkarlıq, zorakılıq və digər neqativ hallar üçün münbit zəmin yaradan mühüm amillərdən biridir.
Narkomaniya və onun insan sağlamlığına vurduğu zərərlər barədə məlumat vermək məqsədilə məktəbin konfrans zalında “Narkomaniya bəşəriyyətin bəlasıdır!” devizi altında maarifləndirici tədbir keçirilmişdir. Tədbirdə Nizami Rayon Polis İdarəsinin Yetkinlik yaşına çatmayanlarla profilaktik işin təşkili bölməsinin baş inspektoru, polis kapitanı Pərvanə Əzizova, Nizami Rayon Polis İdarəsinin 25-ci Polis bölməsinin rəisi, Nizami Rayon Narkoomaniyaya qarşı mübarizə idarəsinin şöbə müdiri ,12№-li tam orta məktəbin direktoru Rahim Novruzov, təlim-tərbiyə işləri üzrə direktor müavini Natəvan Mustafayeva, Uşaq Birliyi Rəhbəri Ətlas Rəhimova, müəllimlər və VIII - IX sinif şagirdləri iştirak etdilər.
Nizami rayon narkomaniyaya qarşı mübarizə idarəsinin rəisi yaşadığımız cəmiyyəti düşündürən və narahat edən əsas problemlərdən biri də bəşəriyyətin ciddi bəlasına çevirilən narkomaniyanın insan sağlamlığına vurduğu zərərlər, onun insanları tədricən məhv etdiyi və ölümə sürüklədiyi haqqında geniş məlumat verdi.. Tədbirin sonunda Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının narkomanlıq və onun fəsadlarından, habelə insan səhhətinə vurduğu sağalmaz yaralardan bəhs edən video-çarx nümayiş olundu.
