Aprel döyüşlərinin II ildönümü
2016-cı il aprelin 1-dən 2-nə keçən gecədən başlayaraq Azərbaycan və Ermənistan silahlı qüvvələri arasında baş verən hərbi münaqişənin II ildönümü ilə əlaqədar olaraq məktəbimizdə konfrans zalında şəhidlərimizin əziz xatirəsinə həsr olunmuş tədbir keçirildi. Tədbirdə məktəbin təlim-tərbiyə işləri üzrə direktor müavini Natəvan Mustafayeva, tərbiyə işləri üzrə direktor müavini Qızılgül Bağıyeva, uşaq birliyi rəhbəri Ətlas Rəhimova, tarix müəllimləri və şagirdləri iştirak etdilər.Tədbirdə tarix müəllimi Hicran Məmmədova aprel döyüşləri haqqında məruzə ilə çıxış etdi və şəhidlərimizin əziz xatirəsi bir dəqiqəlik sükutla yad edildi. Məruzədən sonra 11"d" sinif şagirdi Firuzə Dadaşova, 8"c" sinif şagirdləri Emin Məhərrəmli, Tuncay Məmmədli, 8"d" sinif şagirdi Nəzrin Ağabalayeva iştirak etdilər. Məktəblinin dostu Ayla Nuriyeva çıxış edərək Milli Ordumuzun göstərdiyi qəhrəmanlıqdan söhbət açdı.
Bu döyüşlər zamanı məktəbimizin 2015-ci il məzunu Natiq Namiq oğlu Tahirli Azərbaycan- Ermənistan təmas xəttində ermənilərin atəşkəs rejimini pozması nəticəsində şəhid olmuşdur. Natiq Tahirli ölümündən sonra göstərdiyi qəhrəmanlığa görə Azərbaycan Respublikası Müdafiə Naziri general-polkovnik Zakir Həsənovun sərəncamı ilə "Hərbi xidmətdə fərqlənməyə görə" III dərəcəli medalı ilə təltif edilmişdir. Biz bu gün şəhid Natiq Tahirli ilə fəxr edirik. Onun əziz xatirasi hər il məktəbimizdə ehtiramla yad edilir.Tədbirin sonunda Mustafayeva Natəvan xanım çıxış edərək tədbiri hazırlayan müəllim və şagirdlərə öz təşəkkürünü bildirdi.
Allah şəhidlərimizə rəhmət etsin. Gün gələcək ki, Azərbaycan bayrağı Qarabağda dalğalanacaq.
