"Narkomaniya uçurumdur və erkən nigahın fəsadları" adlı tədbir keçirilib
23.11.2023-cü il tarixində məktəbin akt zalında "Narkomaniya uçurumdur və erkən nigahın fəsadları" adlı tədbir keçirilib. Tədbirdə məktəbin direktoru Kamran İsalı, rəhbər və pedaqoji heyət, Nizami Rayon Polis İdarəsinin rəisi Ziya Əliyev, idarənin əməkdaşları və məktəbin şagirdləri iştirak ediblər. Çıxış edənlər şagirdlərə narkomaniya və onun insan həyatında hansı fəlakətlərə səbəb olması barədə məlumat veriblər, məktəblilərə bu bəladan qorunmağın yolları haqqında lazımi bilgilər təqdim ediblər. Həmçinin erkən nigah və onun təhlükələri ilə bağlı da fikirlər şagirdlərə çatdırılıb.
