Sevinc Nuruqızı ilə görüş təşkil olunub
Məktəbin akt zalında şairə, tərcüməçi və publisist Sevinc Nuruqızı ilə görüş keçirilib.Görüşdə Məktəbin direktoru İsalı Kamran, direktor müavinləri, müəllimlər və şagirdlər iştirak ediblər. Həmçinin fəxri qonaq qismində Abşeron - Xızı RTŞ-nin əməkdaşı məktəbin sabiq direktoru Rahim Novruzov da tədbirə dəvət olunub.
Tədbirin bədii hissəsi məktəbin rus dili fənni üzrə metodbirləşmə sədri Seyidova Sevda tərəfindən hazırlanıb. Tədbir Dövlət Himnimizin səslənməsi və Şəhidlərimizin yad edilməsi ilə açıq elan olunduqdan sonra qonaq haqqında tədbir iştirakçılarına məlumat verilib. Sevda müəllimənin rəhbəri olduğu 5“a” sinif şagirdlərinin ifasında Sevinc Nuruqızının şeirləri səsləndirilib. Həmçinin publisist haqqında videoçarx nümayiş etdirilib. Şagirdlər vətənpərvərlik ruhunda mahnılar da ifa ediblər.
Sonra Sevinc Nuruqızı çıxış edərək dəvətə görə öz təşəkkürünü bildirib, kitabları haqqında məlumat verib. Daha sonra şagirdlər tərəfindən yazıçıya verilən suallar cavablandırılıb. Ardınca Rahim Novruzov çıxış edərək öz təəssüratlarını bölüşüb.
Yekunda çıxış edən məktəbin direktoru İsalı Kamran hörmətli qonağın gəlişinin məktəbin müəllim və şagird kollektivinə xoş təsir bağışladığını bildirib. Məktəb adından qonağa xatirə hədiyyəsi təqdim edilib. Yazıçı, şairə Sevinc Nuruqızı diqqətə görə dərin minnətdarlığını bildirib.
