"Su həyatdır" devizi altında müsabiqələr təşkil olunub
Dünyada və ölkəmizdə son illərdə su ehtiyatlarının azalması müşahidə olunmaqdadır. Bu səbəbdən sudan qənaətlə və səmərəli istifadə olunması olduqca vacibdir və hər bir kəs bu məsələdə məsuliyyətli davranış nümayiş etdirməlidir. Su ehtiyatlarından səmərəli istifadə məqsədilə dövlət səviyyəsində komissiya yaradılmış və bir sıra tədbirlərlə yanaşı insanların bu mövzuda maarifləndirilməsi də əsas istiqamət olaraq seçilmişdir. Bu məqsədlə məktəbdə bir sıra tədbirlərin keçirilməsi nəzərdə tutulub. Sudan qənaətlə və səmərəli istifadə olunması ilə bağlı maarifləndirmə məqsədilə tərtib olunmuş tədbirlər planına uyğun olaraq məktəbdə "Su həyatdır" adlı istedadlı şagirdlərin əl işlərindən ibarət sərgi təşkil olunub və məktəbin foyesində nümayiş etdirilib. Həmçinin, şagirdlər tərəfindən maarifləndirici videoçarxlar hazırlanıb.
