Novruz bayramı münasibətilə məktəbdə silsilə tədbirlər təşkil olunub
Yazın gəlişindən xəbər verən xalqımızın ən sevimli bayramlarından olan Novruz bayramı məktəbimizdə silsilə tədbirlərlə qeyd olunub. Sərgilər , müsabiqələr təşkil olunub, təşkilat saatları bu gözəl bahar bayramına həsr olunub. Məktəbdə Novruz şənlikləri keçirilib, çagirdlər əyləniblər. Tədbirlərdə şagirdlərə bu qədim Novruz bayramının tarixi, adət-ənənələri, Novruz atributları haqqında geniş məlumatlar təqdim edilib. Şagirdlər şeirlər, mahnılar, milli rəqslər ifa ediblər, səhnəciklər nüamyiş etdiriblər, süfrələr Novruz xonçaları və səmənilərlə bəzədilib. Tədbirlərdə xüsusilə 1A sinif rəhbəri H.Mehriban, 1C sinif rəhbəri M.Dilbər, 1D sinif rəhbəri X.Rəvanə, 2E sinif rəhbəri M.Nuridə, 3A sinif rəhbəri A.Mehriban, 5A sinif rəhbəri S.Sevda, 6B sinif rəhbəri Ə.Şövqiyyə, 6C sinif rəhbəri B.Günay, 6Ç sinif rəhbəri S.Fəridə, həmçinin 4D (1 saylı UGİM-in təşkilatçılığı ilə)və 6E sinif şagirdləri fərqləniblər.
