"Biz sülh istəyirik" adlı tədbir keçirilib
Məktəbin Azərbaycan dili və ədəbiyyatı fənn müəllimi Pəri Allahverdiyevanın təşkilatçılığı ilə 6C və 6Ç sinif şagirdlərinin iştirakı ilə "Biz sülh istəyirik" adlı tədbir keçirilib. Tədbirdə həmçinin Uşaq Birliyi Rəhbəri Ətlas Rəhimova, məktəbin psixoloqu Çinarə Həsənova və qeyd olunan siniflərin sinif rəhbərləri Günay Bağırova(6C), Fəridə Seyidova(6Ç) iştirak ediblər. Pəri müəllimə şagirdlərə olduqca maraqlı məlumatlar təqdim edib, onlarla intellektual oyun təşkil edib. Daha sonra şagirdlər şeir və mahnılar ifa ediblər, musiqi alətlərində öz bacarıqlarını nümayiş etdiriblər. Yekunda fəallığı ilə seçilən şagirdlər diplomla mükafatlandırılıblar.
