Şagirdlər üçün reproduktiv sağlamlıq mövzusunda seminar tədbiri keçirilib
Ümumi təhsil müəssisələrinin şagirdləri arasında sağlam həyat tərzi və reproduktiv sağlamlıq, eləcə də erkən və qohumlararası nikahların qarşısının alınması sahəsində maarifləndirmə işinin aparılması məqsədilə “Ümumi təhsil müəssisələrinin VIII-IX siniflərində reproduktiv sağlamlıq mövzusunda məşğələlər üzrə metodiki vəsait” hazırlanmış və istifadə olunması üçün bütün dövlət ümumi təhsil müəssisələrinə təqdim edilmişdir. Artıq bu istiqamətdə məktəbimizdə müəyyən maarifləndirmə tədbirlərin keçirilməsinə başlanılmışdır. Eyni zamanda Azərbaycan Respublikası Təhsil İnstitutunun əməkdaşları- Bənövşə Tağıyeva və Rövşanə Qənbərova tərəfindən 1 mart tarixində məktəbin akt zalında qız şagirdləri üçün seminar tədbiri keçirilib.
