Zəfər Günü münasibətilə müsabiqələr təşkil olunub
8 noyabr - Zəfər Günü münasibətilə məktəbdə idman yarışları keçirilib.
Həmçinin təhsil ocağında istedadlı şagirdlər tərəfindən divar qəzetləri hazırlanıb, rəsm müsabiqəsi təşkil olunub.
Əvvəlcə tədbir iştirakçıları torpaqlarımızın azadlığı uğrunda canlarından keçən Vətən şəhidlərinin ruhunu bir dəqiqəlik sükutla yad ediblər. Çıxış edənlər şagirdlərə ordumuzun şanlı qələbəsindən danışıb, şəhid və qazilərimizin qəhrəmanlıq yolundan bəhs ediblər.
Daha sonra tədbir iştirakçıları şagirdlərin iştirakı ilə hazırlanan kompozisiyalara tamaşa edib, məktəblilərin əl işlərindən ibarət sərgini izləyiblər.
