Şəhid Tural Məmişovun xatirə guşəsinin açılışı olub
Zəfər Günü ərəfəsində məktəbdə daha bir şəhid guşəsi açılıb.
Məktəbin fizika müəllimi Dürdanə Əhmədovanın rəhbəri olduğu 7D sinfində şəhid Tural Məmişovun xatirəsinə həsr olunmuş guşə yaradılıb.
Şagird və valideynlərin təşəbbüsü ilə yaradılan guşənin açılışı və şəhidin anım günü mərasimində məktəb rəhbərliyi, "Məktəblinin dostu"nun nümayəndələri, müəllimlər, şagirdlər və valideynlər iştirak ediblər.
Tədbirdə şəhid Tural Məmişovun həyatı və döyüş yolundan bəhs edilib, şagirdlər Vətən şəhidlərinə və Qarabağa həsr olunmuş şeirlər səsləndiriblər.
Qeyd edək ki, Vətən Müharibəsinin aktiv iştirakçılarından olan Tural Məmişov 4 Noyabr 2020-ci il tarixində Laçın döyüşləri zamanı şəhidlik zirvəsinə ucalıb.
Azərbaycan Respublikası Prezidentinin Sərəncamı ilə müxtəlif medallarla təltif edilib. Allah rəhmət eləsin!
