Əhməd Cavada həsr olunan açıq dərs təşkil olundu
Azərbaycan Respublikasının Prezidenti İlham Əliyev Azərbaycan xalqının istiqlal mübarizəsinə layiqli töhfələr vermiş vətənpərvər şair Əhməd Cavadın anadan olmasının 130-cu ildönümünün qeyd edilməsi ilə bağlı sərəncam imzalamışdır. Bu məqsədlə ölkəmizdə görkəmli şair Əhməd Cavadın 130 illiyinə dair tədbirlər planı hazırlanmış, il ərzində bir sıra tədbirlərin həyata keçirilməsi nəzərdə tutulmuşdur. Eyni zamanda məktəbimizdə də Tədbirlər Planına əsasən Azərbaycan ədəbiyyatının görkəmli nümayəndəsi Əhməd Cavadın 130 - cu ildönümü münasibətilə silsilə tədbirlərin həyata keçirilməsi nəzərdə tutulmuşdur. Belə tədbirlərdən biri də məktəbin Azərbaycan dili və ədəbiyyat fənn müəllimi İltimas İsmayılovanın rəhbərlik etdiyi 10 "B" sinfində baş tutmuş, açıq dərs keçirilmişdir. Açıq dərs zamanı müəllim şagirdlərə Əhməd Cavadın ədəbi və bədii yaradıcılığı, həyatı haqqında geniş məlumat vermiş, şagirdlər isə öz növbəsində hazırladıqları təqdimatlarla çıxış etmiş, hazırladıqları divar qəzetlərini nümayiş etdirmişdir. Açıq dərsdə məktəb rəhbərliyindən Anar Miriyev, Ətlas Rəhimova və Çinarə Həsənova iştirak etmişdir.
