Tədris ilinin son pedaqoji şura iclası keçirildi
Məktəbin konfrans zalında 2021/2022 - ci tədris ilinin son Pedaqoji Şura iclası keçirildi. İclas tədris ilinin yekunlarına həsr olunmuşdur. İclasda məktəbin direktoru Rahim Novruzov, təlim - tərbiyə işləri üzrə direktor müavinləri Şəfiqə Əlizadə, Natəvan Mustafayeva, tərbiyə işləri üzrə direktor müavini Anar Miriyev, məktəbin psixoloqları Nigar Babayeva, Çinarə Həsənova və müəllimlər iştirak etdilər. Məktəbin direktoru 2021/2022 - ci dərs ili ərzində məktəbin uğurları, tədrisin vəziyyəti, şagirdlərin təlim - tərbiyəsi, buraxılış imtahanların nəticələri və digər məsələlər haqqında məlumat verdi. Daha sonra direktor müavini Anar Miriyev çıxış etdi. O sinif rəhbərlərinin il ərzində fəaliyyəti haqqında məlumat verdi. Yekunda tədris ili ərzində fərqlənən müəllimlər məktəb rəhbərliyi tərəfindən təltif edildilər.
