Şagirdlərə imtahan stressinin aradan qaldırılması istiqamətində bilgilər verilib
26.04.2022-ci il tarixində məktəbin konfrans zalında qarşıdakı günlərdə buraxılış imtahanında iştirak edəcək məktəbin IX sinif şagirdlərinə imtahan stressinin aradan qaldırılması istiqamətində məlumatların verilməsi üçün dəyirmi masa keçirilib. Tədbirdə direktor müavini Anar Miriyev, psixoloq Çinarə Həsənova, uşaq birliyi rəhbəri Ətlas Rəhimova, müəllimlər və IX sinif şagirdləri iştirak ediblər. Direktor müavini və psixoloq tərəfindən şagirdlərə imtahana hazır olmaları, proses zamanı özlərini sərbəst hiss etmələri, çətin vəziyyətlərdən çıxma üsulları, vaxt bölgüsü, daxili həyəcanlarına qalib gəlmək və digər istiqamətlər üzrə önəmli tövsiyələr verilib.
