"İlham Əliyev və qüdrətli Azərbaycan" adlı tədbirlər təşkil olunur
Məktəbin illik fəaliyyət planına uyğun olaraq məktəbdə Azərbaycanın müasir tarixində İlham Əliyevin dövlətçilik fəaliyyətinin öyrədilməsi məqsədilə mütəmadi olaraq "İlham Əliyev və qüdrətli Azərbaycan" adlı tədbirlər təşkil olunur. Tədbirlərdə müəllimlər şagirdlərə Prezident İlham Əliyevin ölkəmizin inkişafı üçün bütün sahələr üzrə misilsiz xidmətlərindən, onun gənclərə göstərdiyi xüsusi diqqət və qayğıdan danışıblar. Belə tədbirlər silsiləsindən növbəti tədbirlər 19 Aprel tarixində 7C, 7D, 10B siniflərində baş tutub. Qeyd olunub ki, 2003-cü ildən başlayaraq Azərbaycan Prezident İlham Əliyevin rəhbərliyi altında bir çox uğura imza atmış, ölkəmizin hərtərəfli inkişafı yolunda mühüm nəticələr əldə etmişdir. Bu dövrdə əsası Ümummilli Lider Heydər Əliyev tərəfindən qoyulan inkişaf strategiyasının uğurla davam etdirilməsi nəticəsində ölkəmiz böyük nəaliyyətlərə imza atıb. Şagirdlər də mövzu ətrafında öz fikirlərini bölüşüblər.
