Məktəbdə 31 mart soyqırımı ilə bağlı sərgi təşkil olunub
31 mart - Azərbaycanlıların Soyqırımı Günü ilə bağlı məktəbdə silsilə tədbirlər keçirilir. Belə tədbirlərdən biri kimi soyqırımı ilə əlaqədar məktəbin foyesində şagirdlərin çəkdikləri rəsm əsərləri və hazırladıqları divar qəzetlərindən ibarət sərgi təşkil edilib. 31 mart Azərbaycanlıların soyqırımı gününə həsr edilmiş sərginin təşkilində əsas məqsəd gənc nəslin vətənpərvərlik ruhunda tərbiyəsi, xalqımızın başına gətirilən ümummilli bəlaları yaradıcı şagirdlər tərəfindən nümayiş etdirməkdən, günahsız qurbanların əziz xatirəsinin anılmasından ibarət olmuşdur. Məlum olduğu kimi 1918-ci ilin mart ayının 31-i Azərbaycan xalqının tarixinə növbəti qanlı hadisələrdən biri kimi daxil olmuşdur. Bu tarix hamımıza yaxşı məlumdur. Həmin ağır günlərdə Erməni daşnak ordusu və bolşeviklərin silahlı cəza dəstələri Bakıda və ölkənin digər bölgələrində dinc Azərbaycanlı-türk əhaliyə divan tutmuş, xalqımıza qarşı əsl soyqırımı törədilmişdir.
