Bədən Tərbiyəsi və İdman Günü ilə əlaqədar məktəbdə idman festivalı keçirilib
5 mart - Bədən Tərbiyəsi və İdman Günü ilə əlaqədar məktəbdə idman festivalı keçirilib. Festivalda məktəbin direktoru Rahim Novruzov, direktor müavini Anar Miriyev, "Məktəblinin dostu" layihəsinin nümayəndəsi, fiziki tərbiyə fənn müəllimləri və şagirdlər iştirak ediblər. Əvvəlcə dövlət himni səsləndirilib. Daha sonra direktor festivalı açıq elan edib. O, məktəbin idmançı şagirdlərini Bədən Tərbiyəsi və İdman Günü münasibətilə təbrik edərək, hər birinə gələcək yarışlarda uğurlar arzulayıb. Tədbirin növbəti hissəsində fiziki tərbiyə fənn müəllimi Sultanova Tamillanın rəhbərliyi ilə cüdo, əl topu, gimnastika, karate, açıq döyüş , basketbol, qaçış və digər idman növləri üzrə şagirdlər öz məharətlərini nümayiş etdiriblər.
