Fizika və Kimya fənləri üzrə şagirdlərin tədiqiqatları nümayiş etdirildi
Kiçik Akademiyanın Tədbirlər Planına uygun olaraq, şagirdlərin tədqiqat bacarıqlarını inkisaf etdirmək məqsədilə təlim - tərbiyə işləri üzrə direktor müavini Natəvan Mustafayevanın təşəbbüsü ilə Fizika və Kimya müəllimlərinin rəhbərliyi altında dəyirmi masa keçirilmişdir. Dəyirmi masada məktəbin direktoru Rahim Novruzov, direktor müavinləri, uşaq birliyi rəhbəri, fizika və kimya müəllimləri və şagirdlər iştirak etdilər. İlk öncə keçiriləcək tədqiqatlar haqqında fizika fənn müəllimləri Əhmədova Dürdanə, Məmmədova Starə, Mansurova Rübabə, kimya müəllimləri Mollayeva Mədinə, Paşayeva Tamella, Abdullayeva Təranə və Sadıqova Dilrubə məlumat verdilər. Daha sonra fənn müəllimlərinin rəhbərliyi ilə şagirdlərin təqdimatında tədqiqatlar həyata keçirildi.
