"Azərbaycan abidələr diyarıdır" adlı tədbir keçirildi
31 dekabr Dünya Azərbaycanlılarının Həmrəylik Günü münasibətilə məktəbin Akt zalında tarix fənn metodbirləşmə sədri Sövqiyyə Əliyevanın rəhbərliyi ilə "Azərbaycan abidələr diyarıdır" adlı tədbir baş tutmuşdur. Tədbirdə məktəbin direktoru Rahim Novruzov, təlim - tərbiyə işləri üzrə direktor müavini Natəvan Mustafayeva, tərbiyə işləri üzrə direktor müavini Anar Miriyev, müəllimlər və valideynlər iştirak etdilər. Tədbirdə 5 "B" sinif şagirdləri Azərbaycan abidələri haqqında bir - birindən gözəl təqdimatlarla çıxış etdilər. Tədbirin gedişində layihə rəhbəri Şövqiyyə Əliyeva təşkil olunmuş layihə haqqında qonaqlara geniş məlumat verdi. Şagirdlər şeirlər,mahnılar ,rəqslər ifa etdilər.Daha sonra məktəbin direktoru Rahim Novruzov çıxış edərək tədbirin keçirilməsində olan hər kəsə təşəkkür etdi.Sonda tədbir iştirakçıları Azərbaycan abidələrindən ibarət olan sərgi ilə tanış oldular.
