Şəhidin ildönümü məktəbdə qeyd olundu
Noyabrın 26-da 44 günlük Vətən müharibəsində torpaqlarımızın işğaldan azad olunması uğrunda gedən döyüşlərdə qəhrəmancasına şəhid olmuş Qasımov Kamran Fazil oğlunun ildönümü münasibətilə məktəbin ibtidai sinif müəllimi Məlahət Kərimova və rəhbərlik etdiyi 4 "B" sinfinin şagirdləri şəhidin əziz xatirəsinə həsr olunmuş tədbir keçirmişdir. Tədbirdə vətənpərvərlik ruhunda yazılmış şeirlər, mahnılar səsləndirilmişdir. Eyni zamanda Şəhid Kamran Qasımovun həyatı və keçdiyi döyüş yolu haqqında məlumatlar şagirdlərin hazırladıqları divar qəzetində öz əksini tapmışdır.
Qeyd edək ki, Kamran Qasımov Vətən müharibəsi zamanı Füzuli istiqamətində gedən döyüşlərdə şəhid olub. Göstərdiyi qəhrəmanlıqlara görə "Vətən uğrunda", "Füzulinin azad olunmasına görə” və "Xocavəndin azad olunmasına görə” medalları ilə təltif edilib.
