Zəfər Gününə həsr olunan təşkilat saatları keçirildi
8 Noyabr Zəfər Günü münasibətilə məktəbdə silsilə təşkilat saatları keçirildi.Məktəbin 5Ç sinif rəhbəri Seyidova Fəridə, ibtidai sinif müəllimləri - 4B sinif rəhbəri Kərimova Məlahət, 1B sinif rəhbəri Əliyeva Ulduz, 2C sinif rəhbəri Alməmmədova Mətanət,4Ç sinif rəhbəri Qarayeva Esmiralda, 1D sinif rəhbəri Süleymanova Vüsalə,3Ç sinif rəhbəri Rəhimova Güşvər,2B sinif rəhbəri Təranə Allahverdiyeva, 4D sinif rəhbəri Məmmədova Dilbər,2D sinif rəhbəri Mahmudova Yaqut, 3C sinif rəhbəri Cəfərli Şəbnəmin təşkilatçılığı ilə keçirilən tədbirlər maraqlı və təntənəli oldu.Tədbirlərdə məktəbin direktoru Rahim Novruzov, direktor müavinləri Şəfiqə Əlizadə,Anar Miriyev, metodbirləşmə rəhbəri Mehriban Hüseynova, uşaq birliyi rəhbəri Ətlas Rəhimova,müəllimlər iştirak edirdilər.Kərimova Məlahət müəllimənin tədbirində müəllimənin şagirdi olmuş Vətən müharibəsi iştirakçısı Məmmədov Fərhad və Rəhimova Güşvər müəllimənin tədbirində isə məktəbin məzunu olmuş Vətən müharibəsi iştirakçısı Sənan Tağıyev fəxri qonaq qismində dəvət olunmuşdular.Tədbirlər Dövlət Himninin səslənməsi ilə başladı.Daha sonra vətənin azadlığı uğrunda canından keçən Şəhidlərimizin xatirəsi 1 dəqiqəlik sükutla yad edildi.Müəllimlər şagirdlərə 44 günlük Zəfər tariximiz və ordumuzun şanlı qələbəsi barədə məlumatlar verdilər.Şagirdlər də öz növbəsində vətənpərvər ruhda şeirlər,mahnılar səsləndirdi, kompozisiyalar nümayiş etdirdilər.Çəkdikləri rəsm əsərlərini və divar qəzetlərini tədbir iştirakçılarına təqdim etdilər.Şagirdlər həmçinin məktəbimizin adını daşıdığı şəhid Kamil Əyyubovun büstü önündə də şeirlər ifa etdilər,tər qərənfillər düzdülər. Əliyeva Ulduz müəllimənin təşkilat saatında Qarabağa həsr olunmuş bir-birindən maraqlı əl işləri nümayiş etdirildi.Hazırlanmış maketlər, fiqurlar, əl işləri tədbirdə iştirak edənlərin böyük marağına səbəb oldu.Seyidova Fəridə müəllimənin təşkilat saatında Vətən müharibəsi iştirakçısı olan məktəbin direktor müavini Anar Miriyevə xatirə hədiyyəsi təqdim olundu.Sinifdə keçirilən müsabiqədə qalib olmuş şagirdlərə diplomlar verildi.Tədbirlərdə çıxış edən məktəbin direktoru Rahim Novruzov “8 Noyabr – Zəfər Günü” münasibətilə müəllim və şagirdləri təbrik edib.O, bildirib ki, Ermənistan silahlı qüvvələrinin 27 sentyabr 2020-ci il tarixdə təcavüzkar təxribatlara yenidən başlamasına cavab olaraq Ali Baş Komandan cənab İlham Əliyevin müdrik rəhbərliyi ilə Ordumuz torpaqlarımızın işğaldan azad edilməsi, Ermənistanın sülhə məcbur edilməsi, məcburi köçkünlərin öz doğma torpaqlarına qayıtması və ədalətin bərpası üçün Vətən müharibəsinə başlanılıb və 44 gün sürən hərbi əməliyyatlar nəticəsində müzəffər Azərbaycan Ordusu işğal altında olan ərazilərimizi düşməndən azad edib.Tədbirlərin sonunda xatirə şəkilləri çəkdirilib.Qeyd edək ki, dərs vaxtı bitdikdən sonra müəllim və şagirdlər Vətən müharibəsi Şəhidlərinin məzarlarını ziyarət edib, Hərbi Qənimətlər Parkına ekskursiyalar təşkil olunub.
