8 Noyabr Zəfər Günü münasibətilə məktəbdə böyük tədbir keçirildi
Məktəbin akt zalında 8 Noyabr Zəfər Günü münasibətilə böyük tədbir keçirildi.Tədbirdə məktəbin direktoru Rahim Novruzov, direktor müavini Anar Miriyev, məktəbin psixoloqu Çinarə Həsənova, müəllimlər, valideynlər, şagirdlər iştirak edirdi.Tədbirə qonaq qismində Vətən müharibəsi iştirakçıları Zəkiyev Röyal Zəki oğlu və Məhəmmədli Əhməd Əli oğlu dəvət olunmuşdu.Öncə məktəbin ibtidai sinif müəllimi Günel Məmmədova əsgər geyimində olan şagirdləri ilə bərabər məktəbin önündə Şəhidlərimizə həsr olunan maraqlı bir kompozisiya təqdim etdilər.Şagirdlər əsgər marşını səsləndirərək Vətən Müharibəsinin iştirakçıları ilə bərabər akt zalına daxil oldular.Ardınca tədbirin çıxışlar olan əsas hissəsi başlandı.Məktəbin Azərbaycan dili fənn müəllimi Nailə Zeynalovanın təşkilatçılığı ilə hazırlanan tədbirdə 44 günlük möhtəşəm Zəfər tariximizlə bağlı geniş məlumatlar verildi və şagirdlər Zəfər Günümüzə həsr olunmuş çoxsaylı şeir və mahnı ifalarını səsləndirdilər.Həmçinin tədbir boyunca Vətən müharibəsi dövründə baş verənləri özündə əks etdirən bir neçə maraqlı video nümayiş etdirildi.Daha sonra söz Vətən müharibəsi iştirakçıları - Zəkiyev Röyal,Məhəmmədli Əhməd və məktəbin direktor müavini Anar Miriyevə verildi.Onlar öz təəsüratlarını tədbir iştirakçıları ilə bölüşdülər.Yekunda çıxış edən məktəbin direktoru Rahim Novruzov hər kəsi möhtəşəm bayram münasibətilə təbrik edərək bu möhtəşəm zəfərin ölkəmizin şərəfli tarixində hər zaman önəmli yer tutacağını,Qarabağımızın azad olunmasını və Zəfər Günümüzün həmişə böyük təmtəraqla qeyd olunacağını bildirdi.Sonda xatirə şəkli çəkdirildi.Allah bütün Şəhidlərimizə rəhmət eləsin!Qazilərimizə Allah şəfa versin! .
