“Aşıq Ələsgər və Azərbaycan folkloru” mövzusunda yaradıcılıq müsabiqəsinin məktəb mərhələsi keçirilib
Azərbaycan Respublikası təhsil nazirinin 26.07.2021-ci il tarixli F-372 nömrəli əmri ilə təsdiq olunmuş “Aşıq Ələsgərin 200 illik yubileyinin qeyd edilməsi ilə bağlı Təhsil Nazirliyinin Tədbirlər Planı”nın icrasını təmin etmək, təhsilalanları ustad sənətkarın həyat və yaradıcılığı, Azərbaycan folkloru və xalq ədəbiyyatının mühüm hissəsi olan aşıq sənəti ilə tanış etmək, istedadlı şagirdləri üzə çıxarmaq, onların bədii-estetik səviyyəsini yüksəltmək və yaradıcılıq potensialını inkişaf etdirmək, yaradıcı məktəblilərə dəstək olmaq məqsədilə Bakı Şəhəri üzrə Təhsil İdarəsi tərəfindən “Aşıq Ələsgər və Azərbaycan folkloru” mövzusunda yaradıcılıq müsabiqəsi keçirilir.Müsabiqə şeir, mahnı və yaradıcı iş olmaqla 3 nominasiya üzrə keçirilir.Məktəbin konfrans zalında 25 oktyabr tarixində müsabiqənin məktəb mərhələsi keçirilib.Şagirdlərin çıxışları qiymətləndirilib.Yekun nəticəyə əsasən şeir nominasiyası üzrə 9c sinif şagirdi Eyubova Nərmin,mahnı nominasiyası üzrə 6c sinif şagirdi Kasumov Zəfər və yaradıcı iş(esse) nominasiyası üzrə 8b sinif şagirdi Bayramlı Nuray növbəti mərhələdə iştirak hüququ qazanıblar.
Qeyd edək ki, müsabiqə iki mərhələdə keçirilir:
Məktəb mərhələsi - 08 oktyabr – 01 noyabr 2021-ci il.
Şəhər mərhələsi - 02 noyabr – 25 noyabr 2021-ci il.
