“Vətənim mənim , Dilim mənim, Torpağım mənim”
27 may 2016 –cı il məktəbimizdə 28 may Respublika Gününə həsr olunmuş “Vətənim mənim , Dilim mənim, Torpağım mənim” adlı ədəbi –bədii gecə keçirilmişdir. Tədbiri məktəbimizin müəlliməsi Seyidova Sevda 5 ç və 2 ç sinif şagirdlərinin iştirakı ilə keçirildi. Tədbir Respublikamızın himni ilə başlandı. Sonra 2016 –cı il 17 may tarixində Vətən torpaqlarının bütövlüyü uğrunda şəhid olmuş məktəbimizin 2015 –ci il məzunu Tahirli Natiq Namiq oğlu ilə bərabər vətən torpaqları uğrunda şəhid olmuş bütün vətən oğullarının xatirəsi 1 dəqiqəlik sükutla yad edildi. Tədbirdə şagirdlər Azərbaycan haqqında, dilimiz haqqında şeirlər söyləmiş, mahnılar səsləndirmişdir. 2ç sinif şagirdi İbrahimin ifasında Xəlil Rza Ulutürkün “Ana dili” şeirini lay-lay sədaları altında söyləməsi hamıya gözəl təsir bağışladı. Tədbirdə şagirdlərin əsgər formasında “Azərbaycan əsgəri” mahnısı oxumağı tədbirə toplaşanlar tərəfindən alqışla qarşılandı...2ç sinif şagirdlərinin ifasında”Şəhidlər ölməz, Vətən bölünməz və Qarabağ bizimdir, bizim olacaq” şeirləri tədbirə daha da rəng qatdı. Tədbirin sonunda məktəbimizin direktoru Əli Alıyev şagirlərə öz minnətdarlığını bildirdi və Seyidova Sevda müəllimin 30 illik müəllimlik fəaliyyətinin başa çatması münasibəti ilə onu təbrik edərək, ona gələcək işlərində müvəffəqiyyətlər arzuladı. 2ç sinfinin rəhbəri Mehriban Hüseynova və tarix müəlliməsi Şövqiyyə Əliyeva öz ürək sözlərini və arzularını bildirdilər. Tədbir bütün şagirdlərin “Azərbaycan” mahnısının ifası ilə sona çatdı.
