Lütfi Zadənin 100 illik yubileyinə həsr olunmuş açıq dərs
Görkəmli elm xadimi Lütfi Zadənin 100 illik yubileyi ilə əlaqədar olaraq məktəbin fəaliyyət planına uyğun olaraq müxtəlif müsabiqələr, təqdimatlar, açıq dərslər, dəyirmi masalar və tədbirlərin keçirilməsi nəzərdə tutulmuşdur. Lütfi Zadənin 100 illik yubileyinə həsr olunmuş açıq dərslərdən biri də məktəbin riyaziyyat fənn müəllimi Almaz Abbasovanın rəhbərlik etdiyi 6 "A" sinfində baş tutmuşdur. Açıq dərsdə müəllim şagirdlərə dünya şöhrətli alim, qeyri-səlis məntiq nəzəriyyəsinin banisi, Azərbaycan Milli Elmlər Akademiyasının fəxri üzvü, professor Lütfi Zadənin həyat və yaradıcılığı haqqında geniş məlumat verdi və görkəmli alimə həsr olunmuş videoçarx nümayiş etdirildi. Şagirdlər Lütfi Zadə haqqında hazırladıqları çıxışları yoldaşları ilə bölüşdülər.
