Nizami Gəncəvi ili ilə bağlı növbəti onlayn açıq dərs keçirilib
Dahi şair və mütəfəkkir Nizami Gəncəvinin anadan olmasının 880 illiyi ilə əlaqədar olaraq 2021 - ci il Prezidentin Sərəncamına əsasən "Nizami Gəncəvi ili" elan edilmişdir. Bu məqsədlə məktəbdə Fəaliyyət Planı hazırlanmışdır. Nizami Gəncəvi ili ilə bağlı hazırlanmıd fəaliyyət Planında bu il ərzində müxtəlif şeir, rəsm, intellektual müsabiqələr, açıq dərslər, təşkilat saatlarının keçirilməsi nəzərdə tutulmuşdur.
Məktəbin Azərbaycan dili və ədəbiyyat fənn müəllimi Zenfira Məmmədovanın təşkilatçılığı ilə 7"Ç" sinfində Nizami Gəncəvinin həyat və yaradıcılığına həsr olunmuş açıq dərs baş tutmuşdur. Açıq dərsdə məktəbin direktoru, direktor müavinləri və Azərbaycan dili və ədəbiyyat müəllimləri iştirak etmişdir. Açıq dərsdə şagirdlər dahi şairin həyatı, yaradıcılığı haqqında geniş məlumat verdilər. Eyni zamanda şairin şeirlərindən, poemalarından dəyərli fikirlər səsləndirdilər. Bununla yanaşı dərsin gedişində Nizami Gəncəvinin həyat və yaradıcılığından bəhs edən videoçarx da təqdim edilmişdir.
