IX sinif şagirdlərinin valideynləri ilə növbəti onlayn görüş keçirildi
3 may 2021 - ci il tarixdə məktəb rəhbərliyi ilə IX sinif şagirdlərinin valideynləri arasında növbəti onlayn görüş keçirildi. Microsoft Teams platforması üzərindən keçirilən görüşdə məktəbin direktoru Rahim Novruzov, direktor müavinləri Şəfiqə Əlizadə, Anar Miriyev, məktəbin psixoloqu Çinarə Həsənova və IX siniflərin rəhbərləri iştirak etdilər. Onlayn görüş zamanı şagirdlərin dərslərdə iştirakı, qarşıdan gələn buraxılış imtahanlarına hazırlıq və IX sinif şagirdləri arasında keçirilən monitorinqin nəticələri müzakirə edildi. Sonda valideynləri maraqlandıran suallar cavablandırıldı.
