“Nizami Gəncəvi İli” ilə bağlı onlayn dəyirmi masa keçirildi
2021-ci ildə dahi şair və mütəfəkkir Nizami Gəncəvinin anadan olmasının 880 illiyi tamam olur.
Dövlət başçısı qüdrətli söz və fikir ustadının insanları daim əxlaqi kamilliyə çağıran və yüksək mənəvi keyfiyyətlər aşılayan zəngin yaradıcılığının bəşər mədəniyyətinin nailiyyəti kimi müstəsna əhəmiyyətini nəzərə alaraq bu ili ölkəmizdə “Nizami Gəncəvi İli” elan edib.
Məktəbdə Nizami Gəncəvinin 800 illik yubileyi ilə əlaqədar olaraq silsilə tədbirlər keçirilməkdə davam edir. İlin sonuna qədər onlayn seminarlar, ədəbi - bədii kompozisiyalar, şeir, inşa, rəsm müsabiqələri və intellektual yarışların keçirilməsi nəzərdə tutulmuşdur.
05 aprel tarixdə Microsoft Teams platforması üzərindən məktəbin direktoru Rahim Novruzov, tərbiyə işləri üzrə direktor müavini Anar Miriyev və Azərbaycan dili və ədəbiyyat fənn müəllimlərinin iştirakı ilə onlayn görüş keçirilmişdir. Görüşdə Nizami Gəncəvinin 800 illik yubileyi ilə əlaqədar olaraq hazırlanmış məktəbin Tədbirlər Planında nəzərdə tutulmuş işlərlə bağlı müzakirə təşkil edilmişdir. Tədbirlər Planında nəzərdə tutulmuş işlərin həyata keçirilməsi ilə əlaqədar olaraq müəllimlərin təklifləri dəyərləndirilmişdir. Onlayn görüşdə həmçinin dahi şair və mütəfəkkir Nizami Gəncəvinin həyatı və yaradıcılığı haqqında dəyərli fikirlər səsləndirilmişdir.
