“Qızıl qələm”
Məktəbin 2 “ç” və 2”d” sinif şagirdləri “Qızıl gələm” mükafatçısı, 3 kitab müəllifi Səadət Novruzqızı ilə görüş keçirmişlər. Görüşdə “Şərəf Orden”li, 12 kitab müəllifi Səadət Buta, şair publisist Güllü Eldar, Azərbaycan Yazıçılar və Jurnalistlər Birliyinin üzvü, “Qızıl Qələm” mükafat laureatı, prezident təqəüdçusu şairə Fərqanə Mehdiyeva da iştirak etmişlər. İkincilər “Sülh içində yaşayaq” adlı tədbirdə Səadət Novruzqızının vətən haqqında olan şeirlərindən əzbər söylədilər. Balaca əsgərlər “Azərbaycan əsgəriyik” mahnısı ilə tədbirə rəngarənglik qatdılar. 2”ç” sinif şagirdi İbrahim Əhmədovun söylədiyi vətən haqqında şeiri və 2”d” sinif şagirdi Süleymanlı Sevginin ifa etdiyi “Çırpınırdı qara dəniz” mahnısı və şeiri zalda gurultulu alqışlarla qarşılandı. Azərbaycan bayrağını Qarabağdan asacağımız günü arzuladılar. Sonra 2”ç” sinif şagirdlərinin ifasında səslənən “Qurban olum Azərbaycan” mahnısı ilə tədbir yekunlaşdı. Məktəbin direktoru Əli Alıyev tədbir iştirakçılarına tədbiri təşkil edən ikincilərin sinif rəhbərləri Mehriban Hüseynova və Məlahət Kərimovaya təşəkkür bildirdi.
