Respublika fənn olimpiadasında fərqlənən şagirdlərimiz təltif edildilər
İstedadlı şagirdlərin aşkar edilməsi, şagirdlərdə fənlərin dərindən öyrənilməsinə marağın artırılması, istedadı və hazırlığı ilə seçilən şagirdlərin öz bilik və bacarıqlarını nümayiş etdirmələrinə şəraitin yaradılması, beynəlxalq fənn olimpiadalarında iştirak edəcək namizəd şagirdlərin müəyyən edilməsi məqsədilə hər il keçirilən Respublika fənn olimpiadasında məktəbimizdən müxtəlif fənlər üzrə 33 şagird iştirak etmişdir. Onlardan 3 şagird - Əzizov Nihad (11B), Mirzəmmədova Azərin (9D), Ağayev Nicat (9D) olimpiadanın yarımfinalına qədər irəliləyə biliblər. Bu münasibətlə məktəb rəhbərliyi tərəfindən onlara müsabiqədə fəal iştirak etdikləri üçün tərifnamələr təqdim edildi, şagirdlərə gələcək təhsil fəaliyyətlərində də uğurlar arzu edildi.
