Məktəbimiz İsmayıllı məktəbi ilə birgə onlayn anım tədbiri keçirib
Xocalı soyqırımının 29-cu ildönümü münasibətilə İsmayıllı şəhər 1 saylı orta məktəb və Bakı şəhər 12 nömrəli tam orta məktəbin birgə onlayn anım tədbiri keçirilib. Tədbirdə hər iki məktəbin direktoru, direktor müavini, müəllim və şagirdləri iştirak edib. Tədbiri giriş sözü ilə 12 nömrəli tam orta məktəbin direktor müavini Anar Miriyev açıb, həm birgə tədbirdən həm də Xocalı faciəsi barədə məlumat verib. Daha sonra söz hər iki məktəbin şagirdlərinə verilib. Şagirdlər tərəfindən Xocalı soyqırımı haqqında məlumat verilib, şeirlər səsləndirilib. Sonda hər iki məktəbin direktoru çıxış edərək həm şagirdlərə təşəkkür ediblər həmçinin belə qarşılıqlı, birgə tədbirlərin keçirilməsinin vacibliyini qeyd ediblər.
