Məktəbimizdə Vətən müharibəsi, şanlı ordumuz və Qarabağ haqqında dərslər mütəmadi keçirilir
Məktəbimizdə mütəmadi olaraq Azərbaycan Respublikasının Prezidenti Ali Baş Komandan cənab İlham Əliyevin Vətən müharibəsi dövründə Azərbaycan dövlətini Şanlı Qələbəyə aparan daxili və xarici siyasəti barədə, həmçinin “Azərbaycan Ordusunun Vətən müharibəsində zəfər yürüşü və dünya hərb tarixində açdığı yeni səhifə” ilə bağlı məlumatların bütün fənlərin məzmununa uyğun şəkildə inteqrasiyası çərçivəsində müəllimlər tərəfindən şagirdlərə ətraflı məlumatlar verilir. Dərslərdə Ali Baş Komandanın uğurlu siyasəti, ölkə başçımızın ordu quruculuğu və ölkəmizin müdafiə qüdrətinin gücləndirilməsində xidmətləri, Ali Baş Komandanın xarici dövlətlərə verdiyi müsahibələrdə dövlətçilik ruhu, Qarabağ və işğaldan azad olmuş digər bölgələrin (yaşayış məntəqələrinin) tarixi və coğrafiyası, flora və faunası, mədəni abidələri, dini ibadətgahları, adət-ənənələri, şifahi xalq yaradıcılığı, tanınmış şəxsiyyətləri və s. barədə məlumatlar şagirdlərin diqqətinə çatdırılır, II Qarabağ müharibəsi zamanı rəşadətli Azərbaycan ordusunun qazandığı uğurlar haqqında şagirdlərə məruzələr oxunur.
