Azərbaycan Ordusunun əsgəri şəhid oldu
TAHİRLİ NATİQ NAMİQ OĞLU 1997-ci il oktyabr 28-də Bakı şəhərində anadan olmuşdur. 2004-cü ildə Bakı şəhəri Nizami rayonu K.Əyyubov adına 12№-li tam orta məktəbin I sinfinə qəbul olunmuşdur. Oxuduğu müddətdə özünü sakit, tərbiyəli, intizamlı şagird kimi göstərmişdir. Əxlaq və davranışı ilə hər zaman yoldaşlarına nümunə olmuşdur. Xarakterindəki vətənpərvərlik hissi daima açıq – aşkar duyulmuşdur. 2015-ci ildə həmin məktəbin "11 b” sinfini bitirmişdir. 2015-ci ilin payızında hərbi xidmətə çağırılmışdır. Ermənistanın silahlı qüvvələri tərəfindən qoşunların təmas xəttində atəşkəs rejiminin pozulması nəticəsində mayın 17-də Silahlı Qüvvələrimizin hərbi qulluqçusu əsgər Tahirli Natiq Namiq oğlu şəhid olub. Müəllim, şagird və valideyn kollektivi şəhidin ata anasına və əzizlərinə dərin hüznlə baş sağlığı verir və Allahdan səbr diləyir! ALLAH RƏHMƏT ELƏSİN!
