I yarımili əla qiymətlərlə bitirmiş şagirdlərlə məktəb rəhbərliyinin görüşü
14 fevral 2020 - ci il tarixdə məktəbin konfrans zalında I yarımili əla qiymətlərlə bitirmiş şagirdlərlə məktəb rəhbərliyinin görüşü baş tutdu. İclasda məktəbin direktoru Rahim Novruzov, təlim - tərbiyə işləri üzrə direktor müavinləri Natəvan Mustafayeva və Şəfiqə Əlizadə və tərbiyə işləri üzrə direktor müavini Anar Miriyev iştirak etdilər.
2019 - 2020 - ci tədris ilinin birinci yarımilində bütün fənlərdən əla qiymətlər alan şagirdlərin valideynlərinə məktəb rəhbərliyi tərəfindən təşəkkür məktubu göndərildi.
Şagirdlər birinci yarımili əla qiymətlərlə oxumaqla yanaşı eyni zamanda özünü nümunəvi şagird kimi aparmış, sinif yoldaşı və müəllimlərin rəğbətini qazanmışdır. Valideynlərinə təşəkkür məktubu verilən şagirdlərin sevinclərinin həddi - hüdudu yox idi. Çünki onlar anlayırdılar ki, təlim tərbiyəyə münasibətləri ilə valideynlərə ilk təşəkkürlərini qazandırıblar.
