“Fövqəladə hallarla bağlı davranış qaydaları” mövzusunda maarifləndirmə tədbiri keçirilib
16 yanvar 2020-ci il tarixində FHN Bakı Regional Mərkəzi tərəfindən məktəbdə “Fövqəladə hallarla bağlı davranış qaydaları” mövzusunda maarifləndirmə tədbiri keçirilib.
Tədbirin işində Bakı Regional Mərkəzinin və Kiçikhəcmli Gəmilərə Nəzarət və Sularda Xilasetmə Dövlət Xidmətinin əməkdaşları iştirak ediblər.
Məktəbin tərbiyə işləri üzrə direktor müavini Anar Miriyev tədbiri giriş sözü ilə açaraq, fövqəladə hallar zamanı davranış qaydalarına dair tədbirlərin əhəmiyyətindən danışıb.
Daha sonra Bakı Regional Mərkəzinin əməkdaşları tərəfindən “Fövqəladə halların təsnifatı”, “Zəlzələ zamanı davranış qaydaları”, “Torpaq sürüşməsi zamanı davranış qaydaları”, “112” qaynar xətti”, “Məişətdə yanğın zamanı davranış qaydaları”, “Dəm qazı”, “Odsöndürən balonlardan istifadə”, Kiçikhəcmli Gəmilərə Nəzarət və Sularda Xilasetmə Dövlət Xidmətinin əməkdaşı tərəfindən isə “Çimərliklərdə təhlükəsizlik qaydaları” mövzularında çıxışlar edilib, mövzulara aid maarifləndirici videoçarxlar nümayiş olunub.
Toplantının sonunda şagirdlərin sualları cavablandırılıb.
