20 Yanvar faciəsinin otuzuncu ildönümü
20 Yanvar faciəsinin otuzuncu ildönümü ilə bağlı təsdiq edilmiş tədbirlər planına uyğun olaraq, məktəbin şagirdlərinin Şəhidlər xiyabanına ziyarəti təşkil olunub. Ziyarət zamanı məktəbin müəllimləri şagirdlərə 20 Yanvar faciəsi barədə geniş məlumat verib, bu qanlı hadisənin başvermə səbəblərindən və acı nəticələrindən danışıblar.
Vurğulanıb ki, Azərbaycanın müstəqilliyi, suverenliyi və azadlığı uğrunda şəhid olanların əziz xatirəsi qəlblərdə əbədi yaşayacaq.
Müəllim və şagirdlər xalqımızın azadlığı uğrunda şəhid olan qəhrəman Vətən övladlarının xatirəsini yad edərək şəhidlərin məzarları üzərinə tər qərənfillər düzüblər.
