Təhsilin keyfiyyətinin müəyyənləşdirilməsi
Məktəbdə təhsilin keyfiyyətinin müəyyənləşdirilməsi üçün vacib sayılan amillərdən biri də monitorinq və qiymətləndirmədir. Təhsilin keyfiyyətini mütəmadi olaraq qiymətləndirmək məqsədi ilə məktəbin II, III, IV və VIII siniflərində Azərbaycan dili, Riyaziyyat və İngilis dili fənləri üzrə monitorinq keçirildi. İmtahan məktəb rəhbərliyinin və müəllimlərin xüsusi nəzarəti altında baş tutdu.
Keçirilən monitorinqin əsas məqsədi şagirdlərin təlim nəticələrini təhlil etmək, bu istiqamətdə müvafiq tədbirlər görmək, buraxılış fənləri üzrə keyfiyyəti artırmaq, məktəb özünüqiymətləndirməsini formalaşdırmaqdan ibarətdir.
