Dahi şəxsiyyət Heydər Əliyevin vəfatının 16 – cı ildönümü
Dahi şəxsiyyət, ümummilli lider, uzaqgörən siyasətçi, Dahi rəhbər Heydər Əlirza oğlu Əliyevin vəfatının 16 – cı ildönümü ilə əlaqədar məktəbin konfrans zalında Azərbaycan dili və ədəbiyyat fənn müəllimi Ofelya Mirzəmmədovanın rəhbərliyi ilə 8 “D" sinfində anım günü tədbiri keçirildi. Tədbirdə məktəbin direktoru Rahim Novruzov, tərbiyə işləri üzrə direktor müavini Anar Miriyev, UBR, fənn müəllimləri və şagirdlər iştirak etdilər.
Anım tədbiri Heydər Əliyevin əziz xatirəsinin bir dəqiqəlik sükutla yad edilməsi ilə başladı. Daha sonra şagirdlərin ifasında Azərbaycanın Dövlət Himni səsləndi. Şagirdlər Heydər Əliyevin həyatı, uzaqgörən siyasəti, Azərbaycanın çiçəklənməsində göstərdiyi xidmətlər, digər ölkə rəhbərlərinin Dahi şəxsiyyət haqqında söylədikləri dəyərli fikirlər, Heydər Əliyevin vətən, elm, təhsil, ana haqqında söylədiyi kəlamlar haqqında geniş məlumat verdilər. Tədbirin gedişində Heydər Əliyevin xalqımız üçün göstərdiyi xidmətlərdən bəhs edən videoçarx nümayiş etdirildi. Tədbiri izləyən digər sinif şagirdləri Dahi şəxsiyyətə həsr olunmuş şeirlər səsləndirdilər.
Sonda məktəbin direktoru və tərbiyə işləri üzrə direktor müavini tədbiri hazırlayanlara öz təşəkkürünü bildirdi.
